Qëndresa e lavdishme e popullit shqiptar kundër pushtuesit turk né shekullin XV dhe figura e heroit tonë legjendar Gjergj Kastriotit-Skënderbeut kanë qenë vazhdimisht burim frymëzimi» si për lujtërat e pandërprera për liri të shqiptarëve gjatë këtyre pesé shekujve të fundit, ashtu dhe për krijimtarinë gojore të po­pullit tonë e për letërsinë artistike.
Tema e luftës heroïke të shqiptarëve të prirë prej Skënderbeut, që gjeti jehonë edhe në letërsinë e përbotshme, ështê vënë në bazë të një radhe veprash nga më të mirât të letërsisë sonë. Një vend qendror kjo temë zuri në letërsinë arbëreshe të shek. XIX, në të cilën u krijua një traditë e tërë e evokimit të «Motit të Madh» për- mes veprave të Jeronim De Radës, Gavril Darës (të Riut) e të një sërë poetëve të tjerë arbëreshë.