Cul Decret dal Président de Zonte de Regjon Autonome Friûl-Vignesie Julie dal 6 di novembar dal 1996, daùr dal art. 13 de L.R. 15/96, la lenghe furlane e à vût la sô grafie uficiâl. E je stade sielzude la propueste di grafie decretade il 15 di lui dal 1986 dal Consei de Provincie di Udin, in cunvigne eu lis Provinciis di Gurize e di Pordenon. La grafie e je stade elaborade dal prof. Xavier Lamuela, incaricàt de stesse Provincie, su indicazion de Comission pe grafie istituide par chel fin. La Comission, cjapade in esam la cuestion tal so complès, e e veve fatis diferentis propuestis di presentà al prof. Lamuela, che al veve di fà une sielte par rivà a un sisteme coerent plui che al jere pussibil. La Comission e jere componude di chescj membris: Adrian Cescje (président), Silvana Fachin Schiavi, Giovanni Frau, Amedeo Giacomini, Aldo Moretti, Gianni Nazzi, Etelredo Pascolo, Nereo Perini, Giancarlo Ricci, Piera Rizzolatti e Eraldo Sgubin.
Il prof. Lamuela al sielzè un sisteme grafie ejapant a riferiment chel doprât de Societât Filologjiche Furlane, élaborant intal stes moment une propueste leade a un model di lenghe normalizade, chè de tradizion leterarie dal Friùl centrai, o lenghe comune.
Daspò dal Decret dal 6 di novembar 1996, l’Osservatori Regjonâl de Lenghe e de Culture Furlanis e la Societât Filologjiche Furlane, inte sierade dal 1997, a àn ejatât un acuardi suntune modifiche dal sisteme décrétât pe sostituzion dal digrame «ts» a inizi e in cuarp di peraule cul segn «z», e pal ùs dal segn «q» intai toponims o antroponims storics tant che «Aquilee» o «Quarin». Il sisteme grafie uficiâl de lenghe furlane, cun cheste modifiche, al è stât votât inte vierte dal 1998 tant che emendament de L.R. 15/96 dal stes Consei de Regjon. Cun chest at la lungje cuestion de grafie de lenghe furlane e je sierade e cumò i Furlans di ogni dontri a àn l’imprest par scrivi la lòr lenghe par judàle a eressi e a rinfuarcìsi.
Al è dal sigùr impuartant che i Furlans a conservin la lôr fevele locâl, la lôr variant, intai rapuarts informài o pe espression poetiche, ma ancjimò plui impuartant al è che a imparin a doprà la lenghe comun soredut intai rapuarts formài, intal scrivi, pe prose e pai messaçs che a àn par destinatari ducj i Furlans.